كان يعاني من حالة إمساك مزمنة..
بعد الفحوص والتحاليل قرر الطبيب إحالته لمتخصص نفسي..
جاء في نهاية تقريره..
السيد( ك.ل) يعاني من حالة فقدان ثقة في النفس..
يظن أن ليس لديه أي شيء علي الاطلاق كي يعطيه للآخرين..
ولايمتلك أدني ميزة أو قيمة..
وقد انتقلت حالة الشعور المزمن بالفقر المعنوي الي معدته..
حتي ظن أنه ليس لديه(.....).
**********
كان يقرأ الجريدة..
جاءت من خلفه ثم وضعت يديها علي عينيه.
قال:ياسلام يانشوي ياحبيبتي
رفعت يديها فورا وصرخت.:
لسة بتحب نشوي؟
أنا مش كفاية أصل..
مراطك دي متساوش..آجي إيه جنب نشوي..
ثم تركت البيت...
أعادها ولاد الحلال بعد شهر..وكمان لأنها حامل..
هو فرح جدا لما عرف إنها حامل..
راحوا شافوا بالسونار..
الدكتور قال:مبرووووك بنت..
ها هتسموها ايه بقي؟
دون تردد قال :نشوي!
**********
كان يقف أمامي..
بلزوجته...
بكل قبحه..
سرحت منه كالعادة..
داخلي يتمزق..
قلت لو كنت ياحيوان عندي ع المنسجر كنت عملت لك (بلوك)
لو كنت بتتصل عليا..كنت هدوس(كانسل)..
إنت أساسا لازم يتعملك (ديليت) من الحياة..
بعدها بشهرين كنت أمام المحكمة..
حكمت المحكمة حضوريا علي المتهم (أ.د) بالإعدام شنقا..
لارتكاب جريمة القتل مع سبق الاصرار والترصد..
*******
حدفت صاحبي بالطوبة بعد ماخرجنا من المدرسة..
الطوبة خبطت في الفاترينة..
الازاز اتكسر..
طلعت أجري..
عيل في ابتدائي بقي وجبان..
ويوم افتتاح محل الملابس بتاعي في طلعت حرب..
والدنيا هيصة..
عيل صغير حدف طوبة علي صاحبه..
كسرت الفاترينة..
مش أخلاق إني أجري وراه وأضربه أو أدفع أهله التمن..
واحدة بواحدة طبعا..أوكي ياسماء!!
********
دخلت الأوضة بسرعة وقفلت علي نفسي الباب..
سندت ضهري ع الباب وقعدت أنهج...
بعد كده دخلت ع الدولاب بتاعي..
فتحته..
واتأكدت إن محدش ورايا..
بصيت ع الحاجة لاقيتها في مكانها..
قلت الحمد لله..
وبعدين اترميت ع السرير وقعدت اضحك..
ضحكت كتير اوي يومها...
*******
معرفش ليه البطل بتاع قصصي وأنا صغير كان اسمه "وحيد"..
ومعرفش ليه دايما كنت برسمه بيصارع وحش..
ومعاه رمح في إيده..
ودايما برسمه شعره تقيل..
أما الواحد وهو عيل كان مصيبة يا أخي..
*******
في حتة ضلمة وبعيدة...
خدتني علي جنب..
طلعت ورقة صغيرة ملفوفة..
قالتلي هذا رماد جسدي بعدما أموت..
قلت مش فاهم!
يعني إيه رمادك؟
مانت عايشة أهو..
قالت_بنفاذ صبر_ خليه معاك وهتفهم بعدين..
في تاني يوم ضاع مني!! تخيلوا..
بس ظروف خارجة والله..
من بعدها مشفتهاش أساسا..
معرفش راحت فين...
جيت النهردة بالصدفة كده وانا بدور في ورق قديم...
لاقيت ورقة ملفوفة..
أيوة هي الورقة إياها..
استغربت أوي وفرحت...
شوية ولاقيتها داخلة..
قالت:أهكذا تصان الأمانة؟
قلت:أهكذا يكون الفراق؟
بكت وارتمت في حضني وقالت:لاترحل عني بعيدا ثانية..
وأخذت تضرب بقبضتيها في رفق علي كتفيّ..
بينما قبضتي تضغط علي الورقة الملفوفة بقوة..
هناك 25 تعليقًا:
el 7amd lellah en el hartala mesh beflos , kont zamanak madyonlena be 944684765895643985639859 geneh , enta fannan wel fonon gonon ,rabbena ykon fe 3onna ma7na as7abak hartel 3alena badal ma tehartel 3al 3'orb :D
احمد...مش عارفه اقولك ايه..انا ضحكت..و عيني دمعت..و قلبي و جعني..كل ده من الكام سطر دول...انت مبدع با احمد
بص يا أحمد اعذرني... أنا مش هأشتنى إنك تحط الجملة دي على المدونة...
أنا بقيت حاسس إن مدونتك فيها حشيش built in !!
آه والله...
كفاية عليك كده... وأنا لازم أخرج حالا وإلا هأتسطل!!
ياريتها كانت بفلوس!
مصعبز..انت معاك حق تماما..انا همشي من هنا..ايه كمية المشاعر المختلطة المختلفة اللي جوايا دي؟!!
عبقري يابني! بوركت! :D
بجد مش ممكن
والله ما هعرف اوصفلك الحالة اللي دخلتنى فيها كلماتك
اقل حاجة ممكن اقولها
مبدع
يا محاسن الصدف
هو حشيش بالظبط كده
تشرفنا يا درينى أفندى
تصدق يا أحمد ..
الهرتلة دى شىء جميل قووووووووى
صاحية من النوم لا بيه ولا عليا دوست باديا دول على مدونتك وحصل اللي حصل
عجبني اوي البوست كنت كاتمة نفسي طول وقت القرايه من الاثارة يعني وكده
جميل اوي اوي يا احمد
وبالذات حكاية التراب دي ملعوبة يا افندينا
بص يا بنى
الورقة الملفوفةالاخيرة دى
كانت ورقة بفرة
وهيه السبب فى كل الهرتله اللى قبلها
نياهاهاااا
حنان الجوهرى
يعاني من حالة فقدان ثقة في النفس..
يظن أن ليس لديه أي شيء علي الاطلاق كي يعطيه للآخرين..
ولايمتلك أدني ميزة أو قيمة..
هل تعتقد أنه من الممكن أن يتغير لو وجد من تقول (لاترحل عني بعيدا ثانية..
وأخذت تضرب بقبضتيها في رفق علي كتفي"ه"ّ..
بينما قبضت"ه"ي تضغط علي الورقة الملفوفة بقوة..)
طبعا مش محتاج أقولك أن الحكومة جاية واللى معاه حرز يعمله shift + delet
مفيش أحلى من كده هرتلة يا عم أحمد
عشان تبقى تسمع كلامي يا "وحيد" ;)
اما اقولك انك فعلا مبدع و مبتكر
بس ملقتش غير أسم "نشوى" يا أحمد مبحبوش خاااالص
الكلام يبان بسيط قوي بس هو مش كده خالص
احمد صديقي العزيز مش لاقي تعليق كويس غير اني بخاف من الحشيش
لا يا جدعان متظاموش الراجل الحشيش عمره ما كان كدة اكيد ده
s.r
يادرينى قلتلك ميت مرة بتلف حاجه قول لحبايبك مش تشرب لوحدك ... بس فعلا جميلة يا واد
احمد الدرينى هاهاهاها
مش هتقدر تغمض عينيك
احمد الدرينى
مش هتقدر تخمض عيونك
احمد الدرينى هاهاهاها
هتفنجل عينيك
احمد الدرينى
مش هيقولك غمض ولا متغمضشى
عاوز تغمض انت الخسران
أحمد مش هأقدر أقول اكتر من اللى إتقال فى التعليقات السابقه إنت بجد مبدع
بس أنا عايزه أقول حاجه تانى ممكن تحيرك شويه لأنك ما تعرفنيش... أنا عايزه أشكرك بجد شكرا ليك جدا جدا جدا يمكن إنت ما تعرفش أنا بشكرك على أيه بس فعلا حقك إنى أقولك شكرا
اولا انا مبسوته انى لقيت حد من عيلتى من سكان مصر هههههههه
انا اسمى نورا الدرينى
اسمك لفت نظرى فى مدونه ايبى
احمد الدرينى فقلت لا لازم ادخل اشوف قريبنا عامل ايه ههههههه
المهم انا اتشرفت بمعرفتك جدا بس انا من فرع العيله فى اسكندريه
اتشرفت بيك اوى
تعالى عندى مفأجاه
أسلوبك بجد رائع
ولغتك حية
انا برفعلك القبعة
او الكاب بقى علشان انا لابسه كاب دلوقت:)))
يا بنى انا قلتها كلمة فى الاول خالص
انت جااامد
كالعادة لما بقرا حاجة جامدة مبعرفش اتكلم
استحمل الهرتله بقى
ياريتك تشوف تعبير وشى دلوقت ايه
انبهااااار
هههههههههههههههههههه
"أما الواحد وهو عيل كان مصيبة يا أخي"
ماهو يا اما انت لسة عيل(معذرة)، يا اما كل مابتكبر كل م المصيبة بتكبر
ابو حميد انا كمان احمــــد الدرينى
بس الدرينى فرع المنصوره بقولك ايه مش جديده ومش غريبه على واحد درينى انه يبدع كده لان العيله كلهاااااا مبدعين ومظبطين
إرسال تعليق