كان نفسي تكوني بتعرفي عربي..عشان لما أقولك "بحبك"..تحسيها وتفهمي
بدل ما انا قاعد كده
بقول كلام بلغات مليهاش مابيننا أي عامل مشترك
وانت تشاوري وترسمي
نقعد كده
ساعات كتير
لا افهمك ولا تفهمي
ولما نتعب م الاشارة والكلام المختلط
نرسم سوا
بيت صغير جوة قلب ووردتين
وابصلك..وفي نفس لحظة ما الكلام يبقي مباح وهتفهمي
يجي ابويا وابوك وكل راجل مفتري
ويجي عمال سفارتك في البلد
ياخدوك غصب وترحلي
واقول ياواد هون عليك..مكنش قلب ووردتين
لكن حقيقي اللي واجعني في كل ده
اني كان نفسي تكوني بتعرفي عربي..عشان.. لما أقولك "بحبك"..تحسيها وتفهمي
هناك 9 تعليقات:
أى :(
لو كل الهرتلة كده يبقى عايزين هرتلة كل يوم الله يخليك :))
اتجه الى سفارة بلدها لتعرف من اي بلد هي, وترجم لها أحبك !
تقبل تحياتي لقلمك
وجعتني... الله يسامحك. !!
كانت ديتها جدول حصص ف العربية من أجلك وتختة ف فصل وورقة وقلم ومرايا.. والبنية ترطن بالبلدي يا فيلسوف!!
يالا معلش
الحصة الجاية بقا
كلمات تجذبني وتدفعني لأن أقول لك أنت تميزت جداً أتحفنا وقتما تستطيع يا دريني فأنت تقولها علي طريقتك دائما
م تخلي زيتنا ف دقيقنا :D
ياريت كان الاحساس باللغات
مكنش حد حس
مش عارف اقول ايه بالظبط
يعني ممكن اتفاعل ازاي مع الكلام ده دلوقتي
مستحيل اطلع مثلا شوية شجن من اللي ملوا قلبي واحطهم هنا
بس ممكن اقول انه فعلا
نص رائع
إرسال تعليق