ومن ساعتها قررت ماحكيش حاجة تاني
وهما بدورهم فهموا الموضوع..
وكلهم قدروا موقفي..
لأن ياسمين كان لسانها طويل
وبتقول كلام جارح من غير ماتاخد بالها..
وكريم مبيفكرش..
دايما مندفع..
حتي البنت هند الطويلة العريضة دي..
طلعت هبلة زيهم..
مفيش غير مصطفي هو اللي وقف جنبي..
قالي:انت عارف ان عبير دي اساسا تبقي اخت هند في الرضاعة؟
قلت :قول كلام غير ده.
قالي:وكمان عندهم تلات فدادين في المنوفية..
وأم الواد كريم كانت طمعانة فيهم..
تخيل الست بنت الكلاب لما عزموها عندهم في رمضان عملت ايه؟
قعدت تلف وتدور علي ياسمين وقال ايه عايزة تجوزها عادل اخو كريم الكبير..
أيوة الواد عادل إياه...
إللي لما راح كنتاكي أول مرة معرش يطلب إيه؟
جاله جرسون وقاله تحت أمرك..
عادل قاله عايز كنتاكي!!
الجرسون بص باستغراب..
قاله ايوة يافندم يعني عايز ايه بالضبط..
عادل اتلخم وقعد يشاور بإيده..
وبعد شوية قال عايز وجبة كنتاكي!!
الجرسون بزهق قاله عايز إيه في حدود كام؟
عادل بص في عين الجرسون وقاله أي حاجة انا معايا فلوس يا استاذ انت آكل بيها عشة فراخ مش وجبة كنتاكي بس!!
تخيل بقي ان ياسمين كلمت مها قبل كده ان عادل بيفكر يفتح بوتيك..
تخيل رد فعل أمه ايه!
بقي عادل اخو كريم بتاع وجبة كنتاكي يفتح بوتيك؟
هناك 14 تعليقًا:
الحقنى يا مصطفى
تجنن يا احمد
انا ها اقول مره كده فى المستقبل من زمان لو فاكرها انك حد ما حصلتش
ولم تكتشف بعد اعطنى حريتى اطلق يداي
مش بقولك تجنن وادينى ما استحملتش
ربنا يسمحك بقى
ألحقه يا مصطفى أبوس رجلك قبل ما الناس تشاور عليا وتقول البت اللى اتهبلت اهيه
تشرفنا يا درينى أفندى
هما مين دول؟
بس تصدق و الله الشاب ده صعب عليا خالص يا دريني
بس البوست لذيذ اوي و الله
و سيب الواد يفتح بوتيك يا احمد
ما تقوله حاجه يا مصطفى
حلوة أوي يا أحمد
بس مين راح فين
خلاص نلحقه...بدل كنتاكى نجيب له ماكدونالدز
يبدو أن "هيتش - كوك" مصمم أن يتجلى!
على العموم أنا "أشك" إن وجبة كنتاكي كانت مستوية، ومع ذلك عاوز "دبوس" علشان أنا جعان!
وعلى فكرة مصطفى وقف جنبك علشان ما بيحبش يقف في البوتيك، وكمان كان شبعان فمش لازم يروح مع الواد الأهبل!
العملية ابسط مما أي حد يتخيل
الناس دول ركاب أتوبيس بيروح كنتاكي سايقه واحد اسمه مصطفى
ولا عزاء للكمسارية
تجنن بالملوخية
نسيت أقول لك إني ما رضيتش اتكلم عن البنات اللي في التدوينة علشان كده هيبقى كلام في أعراض ناس وكده...
فاهمني طبعا يا هواري :)
يا نهار مش فايت!!
انا دخلت فين هنا بالضبط؟؟؟
انا اسفة يا جماعة..الا الكومنتات دي كمان..ماتركز يا مصطفي! :D
دي اولمرة ازور مدونتك قد ايه جميله
وتموت من الضحك والبكا سوا
أول مرة أجى أزورك هنا
بس شكلى كده هازورك كتير
شكلك كده طاقق و أنا عاجبنى اللى أنت كاتبه
و طريقتك حلوة أوى
على العموم
أنا بعلى الكمبيوتر مش عدم مراعاة للجيران بس لأنهم هما كمان بيعلو الصوت عندهم
بص انتا لما تشوف مصطفي قوله يقول لعادل لما يروح هناك تاني يريح نفسه ويقوله عايز زي الهانم
بالمناسبة هي أسعار البوتيك عاملة ايه..
عاجبانى اوى البدايه
كأنك بتكمل قصه انت بتحكيهالنا حطتنى فى المود على طول
المدونه دى فيها حشيش و لا ايه على راى مصاعيبوووز
:)))
إرسال تعليق