90s fm

الثلاثاء، 25 نوفمبر 2008

كأنه خلق من شيكولاتة

كأن الله خلق مازن من شيكولاتة..أميل علي وجنته، وهو نائم،أطبع قبلة ..أخلل أصابعي بخصلات شعره ..أتشممه.. وأقول بيني وبين نفسي :فداك روحي يا ابن أم.

مازن.. جميل الرائحة،ذكي النظرة،نبيل الأخلاق،بهوج الضحكة، نفيس الطوية.

لا يحدث أصحابه عني أبدا،كأنه يخجل من الحديث عني أمام هؤلاء الصبية الصغار،فهو يراني لتوي قد هبطت من السحاب.أحيانا،أثناء عودتي من العمل،أراه وأصحابه يلعبون الكرة أمام المنزل..قد تستقر الكرة أمامي..أمررها لهم بمهارة تسلب ألبابهم..كأني ساحر جاء من مكان بعيد.يسألون مازن عني ولايجيب..كأنه يضنّ بي عليهم.

يبتسم الصبي الفائق الحسن حين يفتح الباب لي،تنزاح عن كاهلي هموم الدنيا،وأقسم بيني وبين نفسي:وحق هذه البسمة لن يضيعنا ربي.

هناك 6 تعليقات:

محمد حمدي يقول...

التعليق الأسرع فى التاريخ !!

بجد ربنا يخليلك مازن . انا اكتر واحد فى الدنيا اقدر قيمه اخ اصغر كمازن , وانا الى ربنا ابتلانى باتنين ولاد اخت ينحنى امامهم شياطين الجحيم احتراما وإجلالا ... الأول قرر تحويل حياتى لجحيم بـ (زنه) المتواصل , اما الثانى فيعتبرنى دميه خلقها لله للقفز على بطنها وهى نائمه او على ضهرها وهى سائره

تحياتى لك

Ola يقول...

جميل اوى العنوان و جميل اوى حبك لمازن
ربنا يخليكوا لبعض و مايحرمكش منه ابدا

big big girl...in a big big world يقول...

:))))

El-sanhory يقول...

إحساسك رائع وربنا يخليهولك يارب
ماليش أخ صغير ودايما كان نفسى يكون لى
ولما كبرت وعرفت إن ده هيعفينى من الجيش قولت يبقى أحسن
دلوقتى عايز أخ زى مازن
:D

بـِصَمتـِـ أميرة ــــى يقول...

الله
اول مرة ادخل هنا
وعجبتنى اوى طريقة كتاباتك
حساس
شفاف
صادق مع نفسك
حنون
واتمنيت للحظة انى اكون
مازن
بس لقتنى انا اميرة
تقبل مرورى
ملكة بحجابى

بـِصَمتـِـ أميرة ــــى يقول...

الله
اول مرة ادخل هنا
وعجبتنى اوى طريقة كتاباتك
حساس
شفاف
صادق مع نفسك
حنون
واتمنيت للحظة انى اكون
مازن
بس لقتنى انا اميرة
تقبل مرورى
ملكة بحجابى