90s fm

السبت، 29 نوفمبر 2008

كأن وجنته البندق

مازن مرة أخري..أقترح عليه أن نلعب "ضرب" كي يفيق من نومه ويجالسني،فأنا كالعادة متأخر،وهو بالطبع نائم،يستفيق وهو بين النوم واليقظة،ويشرع في لكمي وركلي..أراوغه أنا..أخطف لكمة في معدته وأسدد ركلة لساقه..خمس دقائق تنتهي وقد نلت منه ثلاث لكمات وروسية وصفعة سريعة..بينما هو قدد سدد إلي 32 ضربة موفقة و12 ركلة غير موجعة وتسع صفعات نصف مؤثرة،وضربتين بالركبة كل واحدة منهما قادرة علي تخدير فيل.

أنهض مستغلا فارق الطول وعنصر المفاجأة وأضعه تحت قدمي،أجلس علي صدره وأثبت ركبتي علي ذراعيه كي لا يستطيع الحركة،أقلد أصوات الوحوش الكارتونية التي لا يفتأ يشاهد أحدها علي سبيس تون حتي ينتقل لآخر علي mbc3 ..وأقول بصوت جهير :سآكلك يامازن فأنت لذيذ الطعم..نيهاهاهاهاها...نيهاهاهاها.

أميل علي وجنته وهو بين الضحك الهستيري والمقاومة،أشرع في عضه،وأول ما أتذوق وجنته مع "العضة" الأولي..أحسه مسكرا..كما لوكان مذاق وجنته البندق.

هناك 5 تعليقات:

محمد حمدي يقول...

ايوه محنا اتفقنا خلاص ان مازن شيكولاته فلازم لما تعضه تحس بطعم السكر

ينفع تبقى تسلفنى مازن بدل الكائنات ام سنان ناشفه الى عندى فى البيت والملقبين خطأ بأولاد اخواتى الأطفال؟

صحيح .. شوفت ايميلك ؟ بعتلك ميل مهم عليه .. تحياتى

الحلم العربي يقول...

يا سلام بقى مازن للدرجة دي
ما شاء الله عليه
انا حاسة انه ابنك مش اخوك
حاول على قد ما تقدر تفضل قدوته اللى بيفتخر بيها ، الموضوع ده بيفرق أوي في البني آدم لما بيكبر و يلاقى قدوته دايما كبيره في نظره ، و اسألنى أنا عن موضوع القدوة ده :))
يا رب يخليكوا لبعض
تحياتي

بسمة ولكن.. يقول...

وما اجملها شيكولاتة البندق
.
.
ربنا يخليكم لبعض

تــسنيـم يقول...

بس على فكرة البندق مش مُسكر ولا مسّكر

:)

El-sanhory يقول...

ماأجمل مازن بمقارنة بالبندق والشيكولاته ؟
ربنا يخليهولك يارب يادرينى
وسعيد بإن فيا من ريحته
:D