كانت تحب الفراشات..
قالت لي ذات يوم:
إذا رأيت فراشة فاعلم أني تمنيت لك أمنية جميلة ..
قلت لها:أنا أعمل مهندسا ..في قلب الصحراء..
حيث لافراشات هناك..
قالت:أنا عند عهدي وأعني ما أقول!!
********
بعدها بيومين..تلقيت منحة دراسية في امريكا..
*********
ولكني لا أراها..لم ذهبت ؟
لا أدري...
لم لا تأت إليّ؟
لا أعرف...
أنا أحبها..
وهي كذلك...
لكنها قررت الرحيلا..
*********
خطأ في الأوراق حولني إلي مجال دراسة غير مجالي...
ذهبت إلي هناك..رحبوا بي..
قالوا:ستذهب الي مركز دراسة الفراشات في فلوريدا!!
ومن يومها وأنا أري كل يوم ألف فراشة...!!
هناك 17 تعليقًا:
الفراشات لا تحنث بالوعودأيها الوغد..
فقط اتبع قلبك، ودع كل ما تؤكده الشواهد حولك، فكل شئ على وجه البسيطة ليس بسيطا كما تظن..
غالبا ما يكون ظاهره فيه الرحمة و باطنه من قبله العذاب
من يقرر الرحيل لا يستحق ان ننتظره بل لا يستحق مجرد تذكره حتى لو كانت الفراشات فى كل مكان و حتى لو كنا متاكدين من حبه لانه جبن وهرب ولانه انانى
بجد يادرينى بوست جامد احساسك راااااقى تمنيت ان اكون سيده الفراشات وعمرى ما كنت هاهرب طبعا
سأقتبس من مصعب ولكني سأحرف الكلمات قليلا .. كثيرا تكون المواقف في ظاهرها قسوة ولكنها تحمل في باطنها منتهى الحب والرحمة .. فلا تجعلنا نتسرع باصدار الاحكام فلسنا من نسجنا خيوط القصة
فقط دع سيد الفراشات يكون في موضع سيدته فهو اكثر دراية بها عنا جميعا
عن الفراشات يستحدث فيقول كما لم يقل.. يتكبم عن سيدة الفراشات ورحيلها.. لا يخبرنا لماذا رحلت.. والأهم لماذا تركها ترحل..
ربما لأنه حوت.. هو فقط يفهم أن الحوت يترك السيدة تذهب بدون أن يسألها لكي يجد ما يبكي عليه..
في الحقيقة الحوت لا ينتظر أت تعود السيدة وانما ينتظر أن تأتي السيدة.. والفارق كبير بين العودة والمجيء
أولا:عشان خطرك مش ها اكتب فرانكو اراب اما اجي اعلق بعد كده في المدونة عندك
ثانيا:أعتقد أن البوست ده مناسب جدا اني اقولك أن الأغنية اللي على البلوج أكثر من رائعة بجد لمستني فعلا و حساها و الميوزك بتاعتها قمةالشجن ..ياريت توفي بوعدك و تجبها لي ;)
بالنسبة بقى للبوست فمش عارفة اقولك ايه ..بجد حلو قوي ... بس رأيي على حسب فهمي يعني ان"سيدة الفراشات"وفت بوعدها ليك بأمنياتها الجميلة اللي بالرغم من بعدها عنك بترفرف حواليك و هتفضل كده على طول حتى لو جه اليوم اللي أنت نسيت فيه أنها في يوم من الأيام قالت لك كده.. مش دايما قرار البعد بيبقى جبن و أنانية ..أحيانا بيبقى حب زايد و خوف عليك حتى من نفسها و ميفهمش ده الا اللي فيه و اعتقد برضه ان انت اكتر واحد قربت من "سيدة الفراشات " عشان تقدر تتفهم مبرراتها و تفهم ان بالرغم من قرارها الرحيل عنك إلا أنك هتفضل دايما موجود عندها هي بدليل تأكدك انها بتحبك .
لكنها قررت الرحيلا
و قرار الرحيل مش دايما بالسهولة اللي بيظهر بيه و على العموم هي عليها انها تتحمل قرارها بكل نتايجة و يكفيها ان انت مش معاها بس أنا واثقة أنها هتفضل تتمنى لك دايما أمنيات جميلة حتى و إن مكنتش معاك
"أنا عند عهدي و أعني ما أقول "
واعتقد ان اكبر امنيتها ليك انك تبقى مبسوط دايما و في احسن حال و يمكن هي عارفة أن ده مش هيبقى حالك لو كانت معاك ..أو ده حسب ما فهمت يعني ..ف الاخر أنت أدرى :)
اولا يا احمد
مبروك على مدونة
انا كنت متابع نشاطك فى صحفية الدستور
واتمنى ان نكون اصدقاء
بالنسبة لتدوينة ... أحلم على راحتك
سوف أضيف لينك مدونتك فى مدونتى
انا جييييييت
اتاخرت في التعليق معلش رغم اني اول حد اقراه اظن
بجد يا احمد البوست رائع جدا و اثر فيا اوي و فيه احساس عالي..بس انا عندي ازمة صغيره انا مش بحب الفراشات و لا العصافير ولا الحاجات زي ما انت فاهم بقى يعني يا سلام لو كانت تمنت له حقول من البن :)
افتقدنا كتاباتك جدا يا دريني ارغوك اغمرنا بها
فراشة جئت ألقي كحل أجنحتي
لديك فاحترقت
ظلما جناحاتي
أصيح والسيف
مزروع بخاصرتي
والغدر حطم
آمالي العريضات
وأنت أيضا
ألا تبت يداكي...ألا تبت يداكي
إذا آثرت قتلي
واستعذبت أناتي
تعددت الأسباب والرحيل واحد
والسفر عند فرويد يرمز إلى الموت
أيا ما كان الأمر فالفراشات لا تعيش في القاهرة ولا في مصر التي ربما قد نجد فيها إما أنثى الغراب أو البومة
لكن أن نجد فراشة أعتقد أنه صعب الآن
بعد النظر في الموضوع والتعليق ارتجالا أتفضل برفع يدي (موافقة) مش من بتاعت مجلس الشعب واتفق تماما مع تعليق مصعب-حيتان زي بعض بقى- ولكن
إذا كانت تستحق البكاء
أسأل الله أن أجدها في الأندلس
بصوا يا جماعه انا قريت كل اللى انتوا كتبتوه فوق ده واسمحولى اقول رأى بكل صراحه ومن غير زعل
حاسه ان فيه ناس كتير بتشتغل نفسها
ايه "ممكن يكون الرحيل بظرف خارجه عن ارادة الفرد "وايه يعنى"قرار البعد حب زايد وخوف عليه "
حاسه انى بتفرج على فيلم عربى قديم والمفروض امسك منديل واقعد اعيط
ايه يا جماعه ده ..
الحب عمره مكان عذاب واشتغالات ايه يعنى حد يقولى بحبك وبعد كده مالقهوش قدامى
اسأل عنه الناس يقولولى هو بعد عنك عشان بيحبك لكنه بيتمنى لكى كل خير
يا فرحتى كسبت انا ايه بقى
بعده عنى ..لاء مش كده وبس ده ما سبنيش فى حالى بيقولى انا بعدت عنك عشان بحبك واقعد انا اتعذب عشان هو مش معايا وعشان ضحى بنفسه عشانى
يا" دهوتى "واروح انا بقى مصوته بالصوت الحيانى امال اعمل اه غير كده
هو ده الحب بقى فى نظركم ما اعتقدش ولو هو ده الحب ياربى انا مش عايزه احب خالص انا نقصه
الحب انك تروح ترمى نفسك فى حضن حبيبك الحب اننا نكون مع بعض بغض النظر عن اى شىء فى الدنيا حتى لو عارفه انى ها موت بعدها اموت فى حضنه احسن ما اموت بعيد عنه هو ده الحب اللى انا اعرفه الحب عمره ما كان حسبات وافلمنات
مساء لطيف يا جماعة...
هو في ايه..انا رحت مشوار رفيع و جيت قلت ابص على البوست لقيت في محاوارت خطيره و مريعه..انا تعاملت مع التدوينه على انها خاطر لطيف وظريف ..لقيت الناس عمالة تتكلم على سيدة الفراشات دي ولا كأنها سيدة القطار..هي حد حقيقي دي اساسا يا دريني..و لو هي حقيقي متحكليش يا وغد ..ما علينا..ع العموم انا هتعامل على انا سيدة الفراشات دي حد حقيقي.. ولأن انا عن نفسي وعو تجربة بعدت عن حد بحبه لأني حسيت ان قربنا من بعض هيوصلنا لنقطة اننا نكره بعض فبقول لدعاء ان الحب مش كله نهاياته سعيدة يا جميله انا اتمنى لك لما تحبي يكون ظروفك مناسبة و معندكيش عوائق و يكون الوضع سامح انك تترمي في حضن اليل بتحبيه و متلقيش مليون حاجز يحول حبك ده لعذاب..المشكله كلها انك مجربتيش الاحساس ده ..بس انا جربته ..و عشان كده متحاوليش تصدري احكام في المطلق..صدقيني ممكن يحصل كده و ميكنش الحد ده اناني وممكن يكون بيتعذب اكتر من اللي سابه زي ما حصل معايا و انتي عارفه..
تداء خاص لسيدة الفراشات..لا تدخلي المدونة ..المدونه فيها سم قاتل...نيهاهاها
حسنا حسنا ليس من عادتي أن أعلق مرتين ولكني اليوم بحاجه إلى ذلك فالثامن عشر هو
ذكرى ميلاد سيدة فراشاتي
عمرك اطول من عمري يا دريني
يفترض أني أحتفل منذ الأمس بذكرى ميلادها رغم رحيلها ولا أستطيع تهنئتها به رغم أنها مازالت على قيد الحياة اعلموا يا سادة أن هذا قاس جدا وتبقى للحيتان نظرة أخرى
كما قال محقا
Deadman
فعلت
وتركتها ترحل
دون أن أسألها لا لأجد ما أبكي عليه ولكن كما يقولون تركونا نتألم لنبدع
ألف شكر يا دريني شاركتني احتفالي
كل سنة وانت وسيدتي الجميلة طيبين
معلش يا جماعه وبعتذر انى علقت اكتر من مره لكن اعتقد انى من حقى اقول وجهه نظرى واوعدكوا دى اخر مره ها اعلق فيها على البوست ده
انا معرفش هو فيه ايه ..دخلت اعلق ببساطه على تدوينه الدرينى كتبها لكنى لقيت الناس خددت الموضوع بحساسيه ..وبدأت تهاجم وتجرح فيا.
انا معرفش سيده البتاع دى موجوده ولا لاء وفى الاغلب اعتقد انها ليس لها وجود ومش كل حاجه يا اميره بنكتب عنها ضرورى تكون موجوده ده اولا
وثانيا
بصى يا اميره لو انا ظروفى مش مناسبه وعندى عوائق انى اترمى فى حضن اللى بحبه عمرى ما هاحبه اساسا
وايوه فعلا انا ما جربتش الاحساس ده لحد دلوقتى عارفه ليه عشان ما اعذبش حد معايا وما عذبش نفسى.. وانتى عارفه برضه..
فشكرا على التجريح الغير مباشر ده
قمة الرومانسية يادعاء انك تقولي خلاص طالما بحب يبقي هفضل مع حبيبي لحد الموت
بس للاسف الظروف بتبقي اكبر مننا دايما
ممكن حبيبك يكون معاكي كل يوم وهو مش معاكي
وممكن بعد ماتحبيه حب كبيييييير اوي تكتشفي انه مش حبيبك ويرحل لدنيا تانية
وساعات بجد من كتر حبك لحبيبك تبقي عايزة تسيبيه لانك بتحسي ان تطرفك في حبه هيخليكي تخسريه في يوم من الايام
بس بجد بقي انا شايفة انه لامهم ظروف ولامهم نحس بالحب امتي
المهم ان احنا نحب وحبنا ده يخلينا نعمل المعجزات، يخلينا نعمل كل حاجة حلوة في الدنيا ، يخلينا نحس ان احنا بشر عايشين
الحب حتي في عذابه جميل
حتي في لحظات الفراق جميل برده
الحب اجمل شئ في الدنيا مهما كانت ظروفه ومهما كانت لحظاته صعبة
مهما كانت قصة الحب ملعبكة ومعقدة برده الانسان بيختار انه يعيشها
ده احساس القلب بس ،العقل في الوقت ده مبيشتغلش خااااااالص
الحب مبيخشش المنطق فيه لانه عالم الخيال والاحلام
فعلا من يقرر الرحيل لايستحق ان ننتظره بل لايستحق مجرد تذكره
ولكن للحب قوانين اخري
فاذا ما قرر حبيبك الرحيل فستنتظره وسيكون معك للابد
اما اذا رحل رحيل ابدي حتي لو هو قرر هذا
فستظل تبكيه وتبكيه وتبكيه
عمرك ماهتقدري تقولي عليه اناني
هتلتمسيله كل اعذار موجودة في الدنيا دي
وهتفضلي فاكراه برده
صدقيني كتير اوي من اللي حبوا
القدر قدرلهم ان حبايبهم ميكنوش معاهم
بس يفضلوا خالدين جواهم
وانا كمان يادعاء مجربتش الاحساس ده قبل كدة
بس كلها مجرد اراء ووجهات نظر
تحياتي لك يادعاء
وتحياتي للجميع
ودمتم في رعاية الله
ممكن حد يوعد بقزازة حاجه ساقة ع الكونيش ومايقدرش يوفي
ومع زلك في ناس اهوه قدرت توفي وتكون الحاضر الغايب ..لا بتعترف بحدود مكان ولاقيود زمن
مش مهم ايه الوعد.........المهم الوعد منين....من القلب؟؟
علي فكرة فكرتني باكتر فيلم بحبه"patch Adams"اكيد تعرفه
بصي بقي يا بنات ياللي دخلتوا تعلقوا علي موضوع سماحة صديقي أحمد الدريني أنا مش عاوز صداع كل بنت عندها تعليق تخليه لنفسها و أنا لما أشوفكم هأعرف أشكمكم ما أنا ما أ‘رفتش أربي أساسا لما أشوفكم
إرسال تعليق