دلوقتي بس..
بقول ياريت..
يارتني كنت أي حد..
واحد عادي خالص..
أتخرج م الكلية..
أشتغل موظف..
أستني العلاوة كل شهر..
وأعمل جمعيات كتير..
وأقول بعد تلات سنين شغل:
شوفيلي واحدة م الجيران او قريبة لينا.. أخطبها ياماما...
وأروح اقول هي دي..
واصلي استخارة...
وربنا يسهلها..
أعمل حبة جمعيات كمان..
وأروح اشوف شقة في مدينة جديدة..
واتخانق قبل كتب الكتاب بشهرين..
علي طقم حلل بايركس..
واقرر افسخ خطوبتي..
ولاد الحلال يتدخلوا..
وترجع المية لمجاريها..
وأتجوز..
وأخلف عيال عادية خالص...
يكبروا..
ويتخرجوا من الجامعة..
ويشتغلوا موظفين..
ويعملوا جمعيات كتييير..
وبعد تلات سنين شغل...
........................
هناك 20 تعليقًا:
عادي خاااااااااااااالص..
سيبهالي أنا دي، هأكلم دعاء تدخلك معانا جمعية، وأروح أكلم مامتك تخطبلك، وأروح أكلمهم في الجرنان عندك يفصلوك :P
وأقنعك تدخل جامعة تاني و أحاول أشوفلك واسطة نعينوك بيها موظف في أي حتة،
بس بالله عليك مش ساعتها هتقول :
أنا مش عاوز أبقى "عادي خاااااااااااااالص"؟!!
ونفس اكتئابك الحوتي ده اللي خلاك تحلم بده، هيخليك تنسج لنفسك دريني الصحفي اللي مالوش حل اللي ... واللي ...؟!
وبرغم إنك ساعتها هتكون بتحلم حلم "عادي خاااااااااااااالص" ومتوقع من أي حوت في نفس الظروف وممكن أي حد "عادي خاااااااااااااالص" يفهمك فيه،
إنما دلوقتي حلمك (مع إنه "عادي خاااااااااااااالص" للحيتان) بس مش أي حد "عادي خاااااااااااااالص" يفهمه!!
حد فهم حاجة غيرك يا دريني؟
عارف ما حدش كتير فهم..
أقول لكم؟! .."عادي خاااااااااااااالص"!
هيه ..هيه .. هيه انا اول حد علق على الموضوع ان ان ان اه
عارف يا درينى لو كنت عادى
برضه غصب عنك كنت ها تبقى عادى مش عادى
المهم ما فيش شقه جمبكوا فضيه للبيع ولا للايجار حتى عشان انقل فيها
ايه ده مصعب علق قبلى
ماااااااااااااشى يا مصعب
على فكره انا شايله منك من زمان
كنت كل ما اقول للدرينى تعالى روح معايا يقولى انا مستنى مصعب ماشى فوتها وقتها تيجى تعلق قبلى
انتوا بتباتوا هنا ولا
يااااااااااااااااه يا دريني
معقول..انت تفكر كده
الواحد بعد كده هيبتدي يشكك في المسلمات
لا يا دريني دي ازمه
انتكاسه و هترجع تاني تحلم باللامعقول و المغامره و اذهال الاخرين و الوصول الي المستحيل
ده وعد مني
مينفعش تبقى حد عادي خاااااااالص ..حتى لو قلت ياريت من هنا للسنة الجية و بقت دية أمنيتك الوحيدة برضة مش هينفع
يااااه يا درينى
لن تستطيع أن تمنع طيور الهم أن تحلق فوق رأسك ولكنك تستطيع أن تمنعها أن تعشش في رأسك
ايه يادرينى أنت مالك مقضيها حزينى الايام دى، عايز تبقى عادى وتعمل جميعات يا سيدى أعمل جمعيات وأنت صحفى هو يعنى الصحفيين مابعملوش جمعيات
معلش يا دعاء،
لو كنت أعلم أن لي هذه المكانية لدى الدريني لكفاني، وأعده أنني لن أطلب المزيد
بس برضه، دريني ممكن يكون "عادي خاااااااااااااالص"، هو ده في حد ذاته مش "عادي خاااااااااااااالص.." بس صدقوني "عادي خاااااااااااااالص.." إنه يحن لدريني تاني، و"عادي خاااااااااااااالص.." يحاول يدور على دريني تاني يبعد بيه عن المشاكل المحيطة، ويحلق به بعيدا ليهدأ سره و يستريح باله، ثم يعود ليحن لما كان عليه
"عادي خاااااااااااااالص.." والله يا جماعة!
لما تبقى عادي..برضو مش هتبقى عادي.خاااااالص.
ده حلم جمييييييييل
وشبه مستحيل
ياااااااه
ياريت الواحد كان عادي جدا كده
مكناش وجعنا قلبنا كده
عاادى؟؟
همممم..
على فكرة حتى الحد العادى ده بيكون فى حاجة عنده مش عادى برضه..مش عادى فى عديانه..فاهمنى..من كتر ماهو عادى..بيبقى مش عادى
بوست جامد على فكرة..
7atta law 7awelt teb2a 3ady 3omrak ma hateb2a 3ady 3ashan enta 3'asb 3annak mesh 3ady
سيدنا ومولانا احمد الدرينى احمد الدرينى يريد ان يكون شخصا عاديا يتحرك فى المالوف ويدخل بيت الطاعة متوقفا عن هوايته الأثيرة وهى محاربة القدر بالقدر..اقول لعله يقدم تنويعة اخرى على قول ابن الفارض (الللهم ارزقنا ايمان العوام)..واقول لعله يرواغ الأيام فيظهر لها استسلاما بينما هو-ككل العاشقين-يخفى اضعاف اضعاف ما يظهر(كقول ابن الفارض ايضا.. (فماكتمناه من وجد ومن حرق..اضعاف اضعاف ما كنا كتبناه)
واقول لعله اراد ان يعلمنافلجأالى حيلة سقراط القديمة..السخرية حتى البكاء والأظلام حتى التجلى..اكثر من لعل فى حضرة الدرينى فانت لاتملك امام البحر الا ان تقول..لعل
ده مجرد كلام عادي خااااالص..المفروض مناخدش عليه..ونعتبره هسس عادي خااااااالص..بيطلع من حد مش عادي خااااالص..ولا عمره هيبقي عادي..يعني حد بيحب"وانفرط القلب كالمسبحة" عيب عليك حتي تشتغلنا كده :D
مصعب..انا مش بقل الكومنت بتاعك خااااالص:D
الله علي التعليق بتاع طلال فيصل..مش ده اللي بيكتب في ضربة شمس؟ :))
يبدو أن الكلب قد فعلها مع أخينا عندما كان في جحره
متعة أن تكون أنت أنت
هكذا أرانا اخترنا مجبوين أن نكون نحن نحن
أبنائي أعزائي فلذات أبادي الحيتان طاااااااااااابور العودة
لم تظهر مشكلة أنا والعادي هذه إلا بعد أن خرجنا كفارة من الكلية يا حاج احمد
كان أمامي ويمكن ومن السهل جدا أن أكون عاديا جدا-وطوب الأرض شغال زن عليا من يوم ما سبت الاوركسترا بالعافية ابقى عادي جدا-اتخرجت من قسم اعلام اشتغل مع عمي في راديو وتلفزيون العرب واخطب أي حد عادي جدا ومش هحتاج جمعيات الناس دي بتدفع كويس وبتسرق كويس برضه مفيش مانع سلفهم مازورتين ومشي حالك هيبقى معاك فلوس كتير وشغال وفاتح بيت زي أي حد عادي جدا ولكن
لحظة
عندما قررت أن أكون أنا أنا لا أنا هم أوقفت كل هذا العبث المحيط وصممت أذني عما يريد الناس -راحتي وراحتهم مني كذلك-وعشت كما أريد ( بين الأطلال) -وإن رأوا في ذلك تعبا لي لأنهم عاديون خااااااالص يا حرام مش شايفين حاجه-لأننا باختصار
لسنا نحن هؤلاء الناس
عزيزي الحوت
ان كنت ناسي افكرك
احنا مش ناس
أنا مش عارف أقولك ايه.. أقولك ياريتك كنت عادي علشان ترتاح، مع ان ده مشكوك فيه طبقا لنظرية الحوت، ولا أصبرك بكلمتين من اللي الناس بتقولهم وأنا عارف أنك هتبتسم لما تسمعهم زي مانا بعمل..
أقولك فكك من ده كله واسمعلك شوية مزيكا من اللى انتا بتحبهم .. روح السيدة أو الحسين .. أنا عارف أنك بترتاح هناك.. وابقى أدعيلي والنبي يا أحمد
when i need you i just close my eyes
يعنى أصلا الحياة مش طالبة نكد وكل شوية حد يقولى روحى بصى مدونة الدرينى هتعجبك هتعجبك اروح ألاقيك مسودة على دماغنا وأرجع يقولولى ها أقولهم جامدة يقولولى طبعا دى الدرينى أقولهم حصلنا الرعب على العين والراس بعدين يعنى لا مؤاخذة كده هتعجز بدرى يا عم الدرينى لا هتلحق تتجوز ولا تعمل جمعية دى ان ما كنتش عجزت يعنى (انا قلت لا مؤاخذة فى الأول) بس سيبك من كل الكلام اللى ما يساويش فلس ده الطبيعى بقى ان الواحد يشيل الدنيا عن دماغه عشان تقريبا جابت آخرها عالكل كمان أنا خت بالى أنك فى المدونة دى بترمى اللى فى دماغك بمعنى آخر بتكلم نفسك بس بصوت عالى شوية وعمال انت تنطلق فى الأفق المديد كده وشايل الكون على دماغك بس فى النهاية انت أستاذ فى الأسلوب وعرض الأفكار وتسلسلها وما تتضايقش من فجاجة اسلوبى فى الكلام أن كنت زودتها شوية .. بالتوفيق
إرسال تعليق